Bo Nadal!

Biografía : Irene González

BIOGRAFÍA DE IRENE GONZÁLEZ

-Irene González .

Simplemente Irene, unha auténtica pioneira no mundo do fútbol .Non existe constancia en todo o mundo doutra muller que fose futbolista nunha época tan temperá como a década de 1920 do século XX.

Era alta, de boa complexión, con boa colocación baixo os paus. Atrapaba con seguridade os balóns altos e sempre se mostraba decidida nas saídas aos pés.

Ocupaba posto de gardameta nun equipo federado da Coruña que levaba o seu nome: o Irene C.F.

Ela tiña como amuleto colocaba no fondo da portería un boneco fútbolista para que lle dese sorte.

Os seus primeiros partidos sempre foron entre homes.Chegou a ser moi popular e todos a respectaban; os rivais e compañeiros tratábana de igual a igual.Foi ahí cando formou o seu propio equipo, o Irene F.C.

Cara a 1928, enfermou de tuberculose. Organizouse un partido para recadar fondos cos que poder axudala e, uns meses despois, o xornal La Voz de Galicia publicou na sección deportiva a seguinte carta aberta dun afeccionado, baixo o título «Hai que socorrer a Irene»:

Novamente fixeron un chamamento aos bos sentimentos dos favorecedores da desgraciada Irene, a ex-gardameta do equipo do seu nome, a fin de que non a esquezan e lle leven algún socorro.

É unha pena á que deben levar alivio principalmente os afeccionados ao deporte, ao que ela debe probablemente a perda de saúde. Se varios deles contribuísen coa cuarta parte nada máis do que adoitan pagar por unha entrada ao campo, e o equipo campión quixese gañar este partido da caridade e o compañeirismo, sería o máis simpático de cantos leva xogado. Irene agradeceríao con toda a alma.

Por desgraza, nada se puido facer e, finalmente, tanto Irene como, logo tamén, tres irmáns seus rematarían sucumbindo á enfermidade.

A popularidade de Irene pódese medir pola atención que naquel tempo lle dedicaron os autores dos clásicos apropósitos coruñeses. Nun deles unha rapaza cantaba, sobre unha melodía do momento, a seguinte copla:

Mamá,

futbolista quero ser,

para xogar como Irene,

que xoga moi ben.

Mamá,

cando eu sexa maior,

gañarei moito diñeiro

xogando ao futbol.

Morfología: Clasificación semántica del sustantivo.